Kotabaru,Bubuhan TNI wan Polri di Kotabaru ma'ada akan Apel SinergitasSaijaan Presisi, dipimpin Danlanal Kotabaru nang hanyar, Letkol Laut (P) Hapsoro Purbaningtyas, diumpati Kapolres Kotabaru, AKBP Tri Suhartanto wan Kasdim 1004/Ktb, Mayor Arm Agus Surya Slendra.
Apelnya di halaman Polres Kotabaru, Sanayan Semalam (07/08/23), nang umpat apel itu bubuhan Lanal, Kodim, Polres, Kejaksaan ada jua, Satpol PP wan Dishub.
Waktu itu Danlanal Kotabaru dalam pidatonya baucap terimakasih wan penghormatan setinggi-tingginya ke Polres Kotabaru wan jajarannya maraga menyiap akan wadah gasan apel.
Ujar Danlanal sinergitas antara bubuhan TNI wan Polri nang sudah ada sebaiknya makinannya harmonis, tetap kondusif mahadapi tahun politik di Kotabaru. Selain itu tetap jua menjaga netralitas TNI wan Polri di Pemilu 2024 kaina. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.