Kotabaru,Bubuhan Wartawan nang tagabung di PWI Kotabaru wan PT Pelsart Tambang Kencana (PTK) Sungai Durian, ma'adakan acara bakumpulan wan media (media gathering).
Tujuan bakumpulan itu wan sumangat Kemerdekaan supaya menguat akan karakatan wan badingsanakan, acaranya ba'andah di Pantai Gedambaan, Ahad (27/08/23).
Bakumpulan babarasih ratik di pantai. Umpat hadir disana Ketua PWI Kotabaru, Ahmad Nur Ahsin wan bubuhan Pengurus jua anggotanya, ada jua hadir bubuhan perwakilan PT PTK Sungai Durian; CSR Manajemen, Septanto, Budi Alfian wan staf.
Ujar Septanto, kegiatan ini adalah ujut pahatian bubuhan inya wan lingkungan. Babarasih pantai ini baharap supaya bubuhan nang datangan ke pantai itu kada babuang ratik sakahandak wan sembarang tagal dibuang ke wadahnya nang sudah disedia akan.
Imbah tuntung babarasih ratik, bubuhan PT PTK dikawani bubuhan PWI Kotabaru manjulung bantuan dana ke Pengurus Masigit Jami Sirajul Munir di Desa Teluk Gosong nang rahatannya masih digawi. ©Jurnalisia™
Jurnalis : Agus Ariyanto
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.