Prosa (Bahasa Banjar) | Ulun Tukari Suara Andika

ilustrasi 

Napa am bubuhan andika kasiya,

Ba'adu-adu parigal hidup, ngalih pancarian, ada hualan, wan sarabanya,

Parai bubuhan andika,

Kita kadada urusan napa-napa lagi.

Kaina kita batamuan wan ba'atur 5 tahun lagi,

Batamuan di Pamilu,

Supaya bubuhan andika hakun mamilih,

Kaina ada duit dalam amplup,

Ada haja jua kaina baju kaus,

Minyak, gula, kupi, tih, mi wan nang lain.

Ulun ganti pangalih bubuhan andika,

Ulun tukari suara sampiyan,

Amun kada damintu sampiyan kada hakun mamilih,

Ujar sampiyan ada duit ada suara.

Jadi napa am lagi,

Kada usah sampiyan, bubuhan andika bacangul di hadapan ulun,

Ulun liwar aur marikin duit banyak habis,

Marikin wan mamikir akan dimapa mambulik akan mudal.

Kaina 5 tahun lagi kita batamuan,

Sampiyan, bubuhan andika hadangi di rumah haja,

Ulun manyiap akan duit gasan manukari suara wan pilihan sampiyan barata'an. (ISP)

👀 4762