Bahualan, Ba'abutan, Babunuhan Badua Baipar

Pelaku Pembunuhan

Tanah Bumbu,

Bamatian, babunuhan, maraga baiparan bahualan, kaka ipar membunuh laki nang ading. Kejadiannya di Desa Selaselilau Kecamatan Karang Bintang, Selasa (16/07/24).

Nang jadi korban tabunuh bangaran Adi Rahman (38), warga Desa Selaselilau Kecamatan Karang Bintang, nang membunuh bainisial SY (35), warga Desa Selaselilau Kecamatan Karang Bintang.

Belum dikatahuwani napa maraganya badua baipar itu bahualan balalu bakalahi babunuhan. SA bini korban waktu itu mendengar ba'abutan di sebelah rumahnya, pasnya di rumah kuwitannya. SA balalu manyubalah melihati nang ba'abutan itu. 

Sesampai di rumah kuwitannya, SA melihat lakinya bakalahi wan SY. SA sawat mahalati tagal lakinya sudah takana suduk di bagian bawah katiak; tulang rusuk. Laki SA tatalungkup badarahan di lantai rumah. 

SA melapor ke Kantor Polsek Karang Bintang. Kapolsek Karang Bintang, Iptu Adi Warsito memimpin langsung wan bubuhan Unit Resmob menangkap pelaku pembunuhan itu wan barang bukti lading nang gasan manyuduk korban. ©Jurnalisia™

👀 7712