Bahasa l Ayo Belajar Basa Banjar (19) - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id
    Website Ini Telah Dilihat 98,18 Juta Kali

    Senin, 26 Februari 2024

    Bahasa l Ayo Belajar Basa Banjar (19)

    Assalamu alaikum warahmatullah wa barakatuh.
    Bubuhan Urang Banua, Kukula'an barata'an dimana haja ba'andak atawa bagana; nang di Kalimantan, di Jawa, di Tambilahan Riau, di Kuala Tungkal Jambi, dimana haja di sabarata'an Indonesia atawa nang di luar nagari, ayu kita basurah Basa Banjar pulang.

    Kita mambahas masa'alah babarapa kata nang tamasuk jarang disambat. Napa haja kah nintu ? Baca wan janaki di bawah naya.

    Kalir, dalam Basa Indonesia artinya; warna. Misalnya; "Bagusnya lih kalir baju kau/ikam nintu." [Bagus ternyata warna bajumu itu]

    Kalum, dalam Basa Indonesia artinya; terompah atau sandal dari bahan kayu. Misalnya; "Kahandak nukar capal tagal ditukar akan kalum." [Maunya dibelikan sandal jepit ternyata dibelikan terompah]

    Kanca, artinya; kawan atau teman. Kata "kanca" ini kemungkinannya diambil dari kata dalam Basa Jawa; kanca atau konco. Misalnya;  "Lawas sudah aku bakanca wan sidin nintu." [Sudah lama aku berteman dengan beliau itu]

    Kasai, artinya; oles. Misalnya;  "Imbah dikasai balsam mau ai ampih sakit parut." [Sesudah diolesi balsam akhirnya berhenti sakit perut]

    Kilim, dalam Basa Indonesia artinya; jahit, menjahit, namun biasanya digunakan untuk menjahit yang robeknya tak terlalu besar. Misalnya; "Kaina bahu nang rantas nintu dikilim haja." [Nanti baju yang robek itu dijahit saja]

    Kilum, dalam Basa Indonesia artinya; ompong, tak bergigi. Misalnya; "Niningku nintu sidin kilum makanya am kada kawa makan kacang." [Nenekku itu beliau ompong sehingga tak bisa makan kacang]


    Kikira itu haja dahulu nang kita bahas di kasampatan naya, insya Allah kainanya kita mambahas kata nang lain pulang. ©Jurnalisia™
    ♙4901

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda