Tanah Laut,Pasti marista bubuhan Pulisi di Kotabaru, saikung anggutanya maninggal maraga barumpakan papada mutur di intangan Sungai Serai Desa Muara Kintap Tanah Laut, Saptu kamarian (11/11/23).
Mutur Toyota Avamza DA 1628 LL barumpak wan mutur Daihatsu Sigra DA 1585 GH, Angguta Polres Kotabaru nang batugas jadi Wakapolsek di Pulau Laut Timur, Ipda Abu Hamzah maninggal dunia. Pasti am kulawarga sidin liwar maristanya.
“Rahat kami sampai di TKP kami tadapat 2 kurban, kacalaka'an ma'akibat akan satu urang maninggal dunia panumpang matan mutur Sigra, satu salamat dibawa ke kalinik Syafira Sungai Danau,” ujar Rudi, Rilawan Balakar Satui.
Kajadiannya kikira jam 16.50 WITeng, pinanya mutur Sigra nintu ma'ampah tulak ka Banjarmasin, salang mutur Avanza matan Kintap ma'ampah handak ka Sungai Danau.
Kasatlantas Polres Tanah Laut, Iptu Dewi Febriani wayah ditakuni; mambujur akan ada kacalaka'an wan saikung maninggal matan Angguta Kapulisian. Bubuhan Satlantas Polres Tanah Laut masih manyalidiki napa maraganya barumpakan nintu. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.