Malaran banyak bubuhan panyabuan nang tatangkap oleh Polres Kotabaru, matan bulan Januari sampai bulan Oktober 2023 ini atawa selawas 9 bulan; ada 93 ikung panyabuan nang tatangkap.
Kapolres Kotabaru, AKBP Tri Suhartanto, SH, MH, M.Si memadah akan wayah konferensi pers Jumahat (13/10/23) semalam di Polres Kotabaru.
Ujar Kapolres, di bulan Oktober 2023 ini haja ada 17 ikung panyabuan nang ditangkap wan barang buktinya barataan parak 1 ons beratnya. Bubuhan nang 17 ikung taumpat 2 ikung masih sekolah wan 1 ikung bibinian, kebanyakan bubuhannya ini pemakai tagal ada jua nang jadi pa'idar.
Kapolres jua bapandir, kawa menangkapi bubuhan panyabuan itu maraga dapat laporan matan warga masyarakat, makanya am ujar sidin bubuhan warga atawa orang kampung jangan takutan melapor akan amun ada tahu ada bubuhan panyabuan itu. ©Jurnalisia™
Jurnalis : Agus Ariyanto
