Tanah Bumbu,Parasa'an di 2023 nanya pina tarancaki urang mati bagantung diri. Naya ada pulang nang bagantung diri, binian, kita sambat haja ngarannya Dera (34), warga nang bagana di parumahan Madani Berseri di Desa Kersik Putih Kecamatan Batulicin.
Si Dera naya tadapat sudah jadi mayat, bagantung diri parak kulam nang kada jauh matan paguringan, Salasa (24/10/23) sakira jam 06.00 WITeng.
Nang mandapati si Dera ini bagantung diri; lakinya jua nang bangaran Herlian Joni (43). Si Dera naya bagantung pakai jakit jins kalir biru.
Herlian Joni datang ka rumah bacari nang bini, sakalinya nang dicari sudah kada bahinak lagi. Balalu ai nang laki saurang ma'angkat mayat nang bini nintu, imbah nintu malapur akan ka Polsek Batulicin. Mayatnya dibawa ka rumah sakit Amanah Husada. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.