Kotabaru,Puluhan rumah warga kasalukutan di Geronggang Kecamatan Kelumpang Tengah Kotabaru, Sanayan (23/10/23).
Habar matan Pembakal disana, sekadanya 21 rumah warga nang gusang kasalukutan, kejadiannya sekira jam 03.00 WITeng rahatan bubuhan warga nyanyamannya guring.
Warga ada nang tanamgun takajut melihat api balalu bakuciak, tagal api baganal matan rumah saikung warga balalu melalar ke rumah warga lainnya.
Api kawa dijahi sekira jam 06.30 WITEng, baisukan, barakat bantuan bubuhan warga lainnya, anggota Polsek wan Koramil jua motor pemadam kebakaran matan perusahaan.
Kada sampai bamatian, ditangguh maraga kasulukutan itu kotslet listrik ai kaya biasa nang sudah-sudah kasalukutan dimana-mana.
Wadah dimana kasalukutan itu diandaki garis polisi gasan penyeledikan, bubuhan matan Muspicam mendata siapa haja warga nang taumpat kasalukutan itu. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.