Rajia Zebra Intan 2023 di Kotabaru Matan Hari Ini - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Senin, 04 September 2023

    Rajia Zebra Intan 2023 di Kotabaru Matan Hari Ini

    Kotabaru,
    Bubuhan Polres Kotabaru ma'ada akan rajia atawa Operasi Zebra Intan 2023. Apel persiapan pasukan diada akan di halaman Polres Kotabaru dipimpin Wakapolres, Kompol Agus Sukandar, SH, SIK, MH, diumpati bubuhan Kodim 1004/Lanal, Sat Lantas, Satpol PP, Dinas Perhubungan, bubuhan Sat Reskrim, Sat Narkoba, Sat Intelkam wan bubuhan anggota Polres, Seanayan (04/09/23).

    Kada ketinggalan umpat hadir bubuhan pejabat; Pasi Ops Kodim 1004, wakilan Pengadilan Negeri, Kasi Pidum Kejari, Kabid Lalulintas Dishub, Kabid Penegakkan Satpol PP, bubuhan PJU Polres wan nang lainnya.

    Rajia Zebra Intan ini pacangan digawi matan hari ini sampai tanggal 17 Septeber 2023 di hadap. Temanya; "Kamseltibcarlantas Yang Kondusif Menuju Pemilu Damai 2024", di sabarataan Polda sampai ke Polres se Indonesia'an.

    Bujur haja rajia tagal lebih ke edukasi, pendekatan persuasif, wan pendekatan humanis, jua dukungan Gakkum alias penegakkan hukum secara elektronik.

    Tujuan rajia ini supaya warga masyarakat nang bakandara'an meningkat akan disiplin balalulintas, mrngurangi pelanggaran, wan mengurangi kecelakaan lalulintas. ©Jurnalisia™

    Jurnalis : Agus Ariyanto 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda