Kotabaru,Ini liwar haratnya bubuhan Panyabuan, kada cuma bajualan Sabu sidin ini tagal baisian pistol jua, pistol bujuran lainan mainan atawa i'inca'an.
Tagal si RD (45), warga Pasar Bakau Kecamatan Pamukan Utara Kotabaru ini tatangkap jua oleh Satuan Reskrim Polres Kotabaru wan Polsek Pamukan Utara.
Sesuai konferensi pers Polres Kotabaru, Arba (27/09/23), di kantor Polres Kotabaru, si RD ini sudah sekira setahunan bajual Sabu di intangan Desa Bakau. Sabu nang dijual asalnya matan Desa Pumpung Kecamatan Awayan Kabupaten Balangan.
Barang bukti nang didapat bubuhan Polisi ya itu 7 paket Sabu beratnya 5,87 gram wan pistol jenis FN (rakitan) wan pilurunya 39 buting.
Konferensi pers dipimpin Wakapolres Kotabaru, Kompol Agus Rusdi Sukandar didampinig Kabag Ops, AKP Abdul Jalil, Kasat Narkoba, Iptu Febi, wan KBO Satreskrim, Ipda Kity Tokan. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.