Muhaimin Iskandar Kada Jadi Membuka MTQ Internasional NU di Pleihari - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Rabu, 06 September 2023

    Muhaimin Iskandar Kada Jadi Membuka MTQ Internasional NU di Pleihari


    Tanah Laut,
    Biar kada kawa lawas nang penting sudah kawa bajajak di Palaihari ibukota Kabupaten Tanah Laut Kalsel, wadah diadakannya MTQ Internasional NU atawa JQHNU ke 3 wan Gema Alquran.

    Dihubungi pakai tilpun, ujar Ketua DPC PKB Kabupaten Tanah Laut, Endang Isnawangsih, sempat haja pang sidin, Ketum PKB, Muhaimin Iskandar mailangi wan batamuan bubuhan Pengurus PKB Tanah Laut, pinanya ada jua talihat Ketua DPD PKB Kalsel, dr. Zairullah Azhar di pertemuan bubuhan PKB itu.

    Muhaimin Iskandar nang pacang Wakil Parsidin pasangan Anies Baswedan ini ujar Endang pulang, kada kawa manyampati membuka MTQ Internasional NU itu, maraganya sidin sudah musti bulik pulang ke Jakarta, alahan handak ke Tabalong gin ai kada jadi jua padahal sudah dijadual akan jua.

    Ada habar Bupati Tanah Laut, Sukamta nang kada magan menerima Muhaimin Iskandar gasan membuka MTQ Internasional NU, Endang kada kawa menjelas akan, kada tahu jua dimapa.

    "Sekira jam 14.00 WITeng sampai di wadah acara, kami lihat masih hinip, balalu kami ke kantor bupati batamuan wan Wakil Bupati, pa Abdi Rahman," ujar Endang jua. Jurnalisia

    Jurnalis : Agus Ariyanto 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda