Kotabaru,Bubuhan tentara matan Kodim 1004/Ktb, Lanal Kotabaru wan Pos Lanud Banjarmasin ma'ada akan gawian bakti sosial dalaman maingati HUT TNI ke 78 tahun 2023, ba'andah di Kodim 1004/Ktb, jua di halaman Lanal Kotabaru, Ahat (24/09/23).
Bakti sosial itu ya ini bapariksa kesehatan, donor darah, sunatan, wan UMKM matan bubuhan ibu Jalasenastri Lanal.
Ancangan gasan donor darah ini paling kada dapat 100 kantong, sunatan nang mendaftar 15 kanakan, bapariksa kesehatan wan batatamba'an sebanyaknya wan tabuka gasan siapa haja atawa umum.
Gawian bakti sosial ini mudahan kawa baguna gasan membantu orang lain, wan jua mudahan kawa tatarusan kainanya.
Hadir di bakti sosial itu Danlanal Kotabaru, Letkol Laut Hapsoro A, Palaksa, Mayor Ahmad Vandoly, Kasdim 1004, Mayor Agus Surya, Danpos Lanud Stagen, Letda Riduan, bubuhan Pejabat Utama Kodim 1004, bubuhan Anggota Kodim, Lanal, wan bubuhan ibu Anggota Persit Kartika Chandra Kirana, jua matan Jalasenasstri. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.