Tanah Bumbu,Habar sabu pulang nah bubuhannya ai.
Kejadiannya di rumah nang ada Desa Batuah Kecamatan Kusan Hilir Tanah Bumbu, Sanayan (11/09/23), sekira jam 00.20 WITeng.
Nang tatangkap Satres Narkoba Polres Tanah Bumbu itu kita sambat haja ngarannya Risos (33), warga Desa Pagaruyung Kecamatan Kusan Hilir.
Nang kaya biasa lah, ujar bubuhan Polisi; ada dapat informasi atawa papadahan bubuhan warga di sa'intangan Desa Batuah itu dipadah akan rancak ada nang bajualan Sabu. Makanya am bubuhan Tim Opsnal Satres Narkoba kesana menyelidiki, wan bahasil mahaga wan menangkap Penyabuan itu.
Barang bukti nang didapat bubuhan Petugas itu 3 paket Sabu nang beratnya sekira 3 gram, ada jua duit Rp 1 juta, wan pakakas nang ada hubungannya wan orang biasa menyabu.
Barataan barang bukti wan nang tatangkap itu dibawa bubuhannya ke Polres Tanah Bumbu, diaman akan gasan diperiksai. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.