Tanah Bumbu,
Bupati Tanah Bumbu, dr. H.M Zairullah Azhar wan Kepala Kejaksaan Negeri (Kajari) Tanah Bumbu, I Wayan Suryadharma, marasmi akan pura atawa wadah gasan sambahiyangan bubuhan agama Hindu, Jumahat semalam (29/09/23).
Pura nang dirasmi akan itu bangaran Jagat Natha, andakannya di Desa Madu Retno Kecamatan Karang Bintang.
Ujar Bupati; sudah samustinya Pemerintah Daerah mendukung tabangunnya wadah gasan sambahiyang itu. Bupati jua batarimakasih ke Kajari Tanah Bumbu, nang mana sidin itu jua tamasuk tokoh umat Hindu di daerah ini.
Parasmian Pura Jagat Natha itu jua umpat dihadiri oleh bubuhan Pejabat di lingkup Pemkab Tanah Bumbu, Ketua Parisada Hindu Dharma Indonesia (PHDI) Kalsel, I Wayan Swardiyasa, wan Anggota DPRD Kabupaten Tanah Bumbu, I Wayan Sudharma nang dikatahuwani ba'agama Hindu jua. Jurnalisia
Sumber : mctb/win
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.