 |
| courtesy : arunala.com |
Beluman jadi calon tetap, hanyar am Bacaleg sambatannya, tagal sudah banyak bahambur baliho pacangan Legislator itu di pinggir jalan wan dimana haja nang kawa ma'andak baliho.
"Wayah-wayah ini bubuhan kami cuma kawa ma'imbau supaya jangan dulu memasangi baliho, atawa nang sudah tapasang itu dicabuti dulu, beluman waktunya," ujar Roni Safriansyah, Ketua Bawas Pemilu Kabupaten Kotabaru, wayah ditemui di kantornya, Jumahat (08/09/23).
Ujar Roni pulang, nang kaya itu jua nang ma'andak baliho atawa banner di Medsos; supaya jangan dulu, alahan pulang nang sudah ada nomornya, maraganya beluman pasti, beluman ada Calon Tetap.
"Nang sudah ketahuan lolos itu kan hanyar parpol peserta Pemilu; beluman Caleg," ujar Roni jua.
Ditambah akan Sidin, amun di Banjarmasin, baliho-baliho itu sudah dicabut bubuhan Satpol PP, tagal amun disini tabulik ke Pemerintah Daerahnya. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.