Abu Lahab, Marina Nabi SAW Nang Langkar Tagal memusuhi Nabi SAW - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Sabtu, 02 September 2023

    Abu Lahab, Marina Nabi SAW Nang Langkar Tagal memusuhi Nabi SAW

    ilustrasi : pwmu.co
    Historis,
    Umat Islam atawa Orang Islam pasti tahu, atawa sakadanya suah mendangar ngaran Abu Lahab, alahan lagi Abu Lahab dijadikan ngaran surah di Alquran ya itu Surah Al Lahab, atau surah ke 111 dalam Alquran.

    Abu Lahab ini kada lain marina Nabi Muhammad SAW saurang, kaka oleh abah Nabi ya itu Abdullah bin Abdul Muthalib.

    Ujar banyak riwayat Abu Lahab bin Abdul Muthalib ini orangnya liwar langkar, kada kalah langkarnya wan abah Nabi SAW, pinanya dasar keturunan bubuhan nang langkar-langkar.

    Marina Nabi SAW nang saikung ini liwar memusuhi Nabi SAW di jamannya itu, imbah Nabi SAW diangkat Allah SWT menjadi Rasul.

    Padahal ujar riwayat jua, sidin ini wayah Nabi SAW diranak akan; sidin taumpat liwar himungnya melihat Nabi SAW bangsul ke dunia. Saking himungnya sidin melihat anak kamanakan imbah diranak akan, Abu Lahab mengirim saikung budak binian nang masih anum bangaran Tsuaibah gasan menyusui Nabi SAW sebeluman datang Halimatus Sa'diyah matan Bani Sa'ad.

    Asalnya antara Abu Lahab wan Nabi SAW ini baik-baik haja, alahan anak Abu Lahab nang bangaran Utaibah bin Abu Lahab mengawini anak Nabi SAW nang bangaran Ruqayyah.

    Mulai rusak hubungan antara Abu Lahab wan Nabi SAW ini maraganya imbah Nabi SAW diangkat jadi Rasulullah. Apa haja nang dipandir akan oleh Nabi SAW didusta akan wan dikaramput akan oleh Abu Lahab. Sampai ke mati-mati marina Nabi SAW nang saikung ini tetap memusuhi Nabi SAW wan kada masuk Islam, wallahu a'lam bisshawab. ©Jurnalisia™

    Sumber : wikipedia

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda