Raker Bubuhan DKD Kotabaru Bahas Program Kerja - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Sabtu, 12 Agustus 2023

    Raker Bubuhan DKD Kotabaru Bahas Program Kerja

    Kotabaru, 
    Dewan Kesenian Daerah (DKD) Kabupaten Kotabaru ma'ada akan Rapat Kerja (Raker) Seniman wan Dinas Pendidikan dan Kebudayaan Kabupaten Kotabaru nang dihadiri wan dibuka oleh Asisten I Pemerintahan dan Kesejahteraan, Minggu Basuki, dihadiri jua oleh Kadis Pendidikan dan Kebudayaan, Selamat Riyadi, Ketua DKD Kabupaten Kotabaru, Syajidan, bubuhan Pengurus DKD wan bubuhan Seniman, ba'andah di Operation Room Setdakab Kotabaru, Sabtu (12/08/23).

    Ketua DKD, Syajidan ke bubuhan wartawan bapandir, di forum Raker kaina apa haja disampai akan program nang imbah digawi atawa nang belum digawi. Mahadir akan bubuhan Pemda supaya bubuhannya kawa mendengar keluhan, wan program DKD nang beluman jalan, Pemda kawa menyikapinya apakah kawa berupa anggaran atawa melibat akan bagian kegiatan nang tatarusan melibat akan DKD Kotabaru.

    Baharap jua Pemerintah Daerah kawa memberi solusi supaya DKD kawa baisian bangunan saurang jadinya kawa nyaman melaksana akan kegiatan kesenian.

    Sambutan Bupati Kotabaru nang dibaca akan oleh Asisten I, bapadah jadi akan rapat seniman sebagai forum gasan bubuhan pelaku seni wan komunitas seni, wan gasan barataan stakeholder tamasuk Perangkat Daerah takait gasan menjalani komunikasi wan batukar pendapat, gagasan, pamikiran wan program kerja dalaman rangka mengembang akan sektor kesenian di Kabupaten Kotabaru.

    Maraganya diperlu akan langkah nang pas, kadanya cuma melestari akan jua mengembang akannya menjadi sektor potensial wan jua meningkatkan mutu kesenian itu saurang. ©Jurnalisia™

    Jurnalis : Agus Ariyanto

    *Isi Berita Dalam Dialek Kuala

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda