Kotabaru,Maraga minta duit kada dibari'i, si Xu Ming, orang China ini, bubujuran orang China ini kada inca'an alias Warga Negara China; ditimpas preman kampung.
Di konferensi pers nang diada akan Polres Kotabaru, Selasa (29/08/23), kadada manyambat napa maraganya si Xu Ming itu ditimpas, tagal mangutip matan detik.com; gegaranya kita sambat si B nang jadi preman kampung wan 2 kawannya minta duit alias membajak si Xu Ming tagal kada diberi'i.
Kejadiannya di Dusun Taurung Desa Gendang Timburu Kecamatan Sungai Durian, hari Kamis dahulu (24/08/23), di warung. Si Xu Ming ini ujar habar datang ke warung itu pas mauk imbah minum napa kah. Bada'alah si Xu Ming ini sawat haja mamandiri bibinian nang ada di warung, wan sawat tasipak batis si B.
Nah, pas si Xu Ming ini keluar warung diumpati oleh B wan ba 2 kawannya. Di luar warung itulah si Xu Ming dibajak, tagal kada hakun memberi, balalu ditimpas wan parang oleh B. Maraga ditimpas itu si Xu Ming taluka di bagian tangan wan batis. Si Xu Ming ini tamasuk bubuhan orang matan China nang bagawi di tambang nang ada di wilayah Kecamatan Sungai Durian. ©Jurnalisia™
Jurnalis : Agus Ariyanto
