Ketua Bawas Pemilu Kotabaru Lantik Anggota PAW - Jurnalisia™

  • Jurnalisia™

    Mengusung Kearifan Lokal

    Jurnalisia™

    Sumber Data Cuaca: https://cuacalab.id

    Rabu, 30 Agustus 2023

    Ketua Bawas Pemilu Kotabaru Lantik Anggota PAW

    Kotabaru,
    Ketua Badan Pengawas Pemilihan Umum (Bawas Pemilu) Kabupaten Kotabaru, Rony Syafriansyah melantik Pergantian Antar Waktu (PAW) Anggota Panitia Pengawas Pemilihan Umum (Panwas Pemilu) Kecamatan Kelumpang Hulu, Selasa semalam (29/08/23).

    Nang dilantik itu M. Ramadani mengganti Muhammad Abdillah Ihsan nang mengundur akan diri maraga mencalon Anggota Bawas Pemilu Kabupaten Kotabaru, wan sidin tapilih gasan masa bakti 2023-2028.

    Ketua Bawas Pemilu Kabupaten Kotabaru dalaman sambutannya memadah akan, nang imbah dilantik supaya ancapi menyesuai akan gawian nang ada di Bawas Pemilu. 

    Sidin jua baharap adanya PAW ini kainanya kawa meningkat akan pengawasan tahapan Pemilu nang baimbaian tahun 2024 hususnya di Kecamatan Kelumpang Hulu wan menambah kekuatan gasan Bawas Pemilu Kabupaten Kotabaru dalaman maujut akan Pemilu nang barasih, ba'integritas wan bamartabat.

    "Imbah ini musti ancapi bakatahuwanan wan kawa langsung bagawian wan nang lain, maraganya tahapan Pemilu terus bajalan," ujar Fat Hurrahman, Koordinator Sumber Daya Manusia, Organisasi dan Diklat Bawas Pemilu Kabupaten Kotabaru. ©Jurnalisia™

    Jurnalis : Agus Ariyanto 

    Tidak ada komentar:

    Posting Komentar

    Komentarmu adalah gambaran isi kepalamu, maka diam lebih bijak daripada sok tahu.

    Beranda